bi mir isch wiehnachte echli komisch gsi.. ich han müese schaffe und bin wit wäg vo minere familie gsi. han aber viel chöne mit ne telefoniere. und in San Diego schneits nöd.. es isch für mich s'erscht mal gsi dasi kei wissi wiehnachte gha han. defür isches sunnig und warm gsi!
ich han neuerdings möglichkeite wieder irgendwo imene labor ga schaffe, was natürlich äu nöd schlächt wär. Bi Starbucks gfallts mir scho immer no aber für längerfrischtig isches finanziell nöd eso guet.. und luschtigerwies hilft esone labor-firma viel besser mitem ischtieg zum id schuel zgah und en usbildig zum lehrer wärde z'übercho.
Mit de Chile klappets bi mir äu immer besser.. ich han ja eini gfunde wo ich immer wieder lüt triffe wohni scho vode arbeit her känne. das isch u cool. und es isch e no sehr chlini chile wo no jede fascht jede kännt, e grossi familie. fascht echli wie's ICF womer no im Limmat-Hotel gsi sind. Und woni grad neu han agfange ga hani gfröget was für ministry no hilf bruchet und die hämer dänn gseit sie bruchet im neue Jahr unbedingt en Schlagzüger. jetzt hani mal mit de band güebt und am sunntig probewis gspillt und s'isch alles super gange. Gott hät würklich glueget dasses klappet!
Und ich bin ja mit fründe us minere Chile in Indianapolis nach San Diego züglet zum e neui Chile gründe, en art "beach ministry". Geschter abig hämer eus zum erschte mal "offiziell" als huus-chile troffe und es isch total abgange mit gebät und worship und emene churze bsuech vom tüfel wo für ihn aber nöd so guet isch usecho. und für eus isches e wahnsinnigi ermuetigung dass mir ide letschte zit viel agriff händ - das heisst dass mir ganz sicher öppis richtig mached und er eus versuecht devo abzhalte. Jesus hät eh scho de Sieg.. mir müend nur no s'land inäh und ernte!
Ich wünsch eu allne es guets und gsägnets neus jahr!
Subscribe to:
Post Comments (Atom)
No comments:
Post a Comment